कस्तो रहला आज देशभरको मौसम प्रणाली

काठमाडौं । जल तथा मौसम विज्ञान विभाग, मौसम पूर्वानुमान महाशाखाका अनुसार शुक्रबार देशभर कुनै उल्लेखनीय मौसमी प्रणालीको प्रभाव छैन ।

हाल गण्डकी प्रदेश र कर्णाली प्रदेशका उच्च पहाडी तथा हिमाली भूभागमा आंशिक बदली रही बाँकी भूभागमा मुख्यतया सफा रहेको छ ।

आज दिउँसो कोशी प्रदेशको हिमाली भूभागमा आंशिक बदली रही बाँकी भूभागमा मौसम मुख्यतया सफा रहने छ ।

यसैगरी आज राति देशभर मौसम मुख्यतया सफा रहने महाशाखाले जनाएको छ ।