एमाले ११औँ महाधिवेशन: ५ घण्टामा ५३२ मत खस्यो

काठमाडौं । नेकपा एमालेको जारी ११औँ राष्ट्रिय महाधिवेशनअन्तर्गत नेतृत्व चयनका लागि भइरहेको मतदानमा हालसम्म ५३२ मत खसेको छ।

आज बिहान ९ बजेर २० मिनेटदेखि सुरु भएको मतदानमा पाँच घण्टाको अवधिमा उक्त संख्यामा मत खसेको एमालेको केन्द्रीय निर्वाचन आयोगले जानकारी दिएको छ ।

काठमाडौंको भृकुटीमण्डपमा जारी मतदानमा पार्टीले प्रबन्ध गरेको विद्युतीय भोटिङ मेसिनमार्फत प्रतिनिधिहरूले मतदान गरिरहेका छन् ।

महाधिवेशनमार्फत एमालेको १९ पदाधिकारीसहित ३०१ सदस्यीय केन्द्रीय कमिटी चयन गरिनेछ ।

त्यसका लागि कुल ६४२ उम्मेदवार प्रतिस्पर्धामा छन् भने महाधिवेशनमा दुई हजार २६३ प्रतिनिधि सहभागी छन् ।