मधेसमा जसपा नेपाललाई धक्का : प्रदेश कोषाध्यक्षसहितका नेताहरू रास्वपा प्रवेश

काठमाडौँ । आगामी फागुन २१ गते हुने प्रतिनिधि सभा निर्वाचन नजिकिँदै गर्दै मधेस प्रदेशमा उपेन्द्र यादव नेतृत्वकाे जनता समाजवादी पार्टी (जसपा)नेपाललाई धक्का लागेकाे छ । जसपा नेपालका मधेस प्रदेश कोषाध्यक्ष विष्णु साहसहितका नेताहरू बिहीबार राष्ट्रिय स्वतन्त्र पार्टी(रास्वपा)मा प्रवेश गरेका छन् ।

मधेस प्रदेशका कोषाध्यक्ष साह,जसपा नेपाल गोलबजार नगरपालिकाका पूर्वनगर अध्यक्ष हरिनारायण (हिरा), कर्जन्हा गाउँपालिकाका वडा समिति अध्यक्ष सुरेश साह र सिरहा–४ का पूर्व क्षेत्रीय अध्यक्ष पवित्रनारायण यादव रास्वपा प्रवेश गरेका जेनजी आन्दोलनका अगुवा एवं रास्वपाका नेता पुरुषोत्तम यादवले बताए ।

सिरहाका जसपा नेपालका शीर्ष नेता रामसोगरथ यादव पनि रास्वपा प्रवेश गरेका छन् । उनी २०७० मा संविधान सभामा चुनाव लडेका थिए ।