एकैदिन ह्वात्तै बढ्यो सुनचाँदीको मूल्य, तोलामा कति पुग्यो ?

काठमाडौं । नेपाली बजारमा आज सुनचाँदीको मूल्य ह्वात्तै बढेको छ ।

यस दिन सुन प्रतितोला साढे नौ हजार रुपैयाँले बढेर प्रतितोला तीन लाख ५०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

यसअघि शुक्रबार दुई लाख ९१ हजार रुपैयाँमा कारोबार भएको थियो ।

त्यसैगरी आज चाँदीको मूल्य पनि बढेको छ ।

यस दिन चाँदी प्रतितोला ३०० रुपैयाँले बढेर पाँच हजार १० रुपैयाँ निर्धारण भएको महासंघले जनाएको छ ।

यसअघि शुक्रबार चार हजार ७१० रुपैयाँमा कारोबार भएको थियो ।