विश्वकपमा आज पनि तीन खेल हुँदै
काठमाडौं । आईसीसी टी–२० विश्वकप क्रिकेटमा आज पनि तीन खेल हुँदैछन् ।
पहिलो खेलमा भारतको दिल्लीको अरुण जेटली स्टेडियममा समूह डी अन्तर्गत अफगानिस्तान र यूएईबीच प्रतिस्पर्धा हुनेछ ।
अघिल्ला दुवै खेलमा हार व्यहोरेको अफगानिस्तानका लागि सुपर एटको झिनो आशा जीवित राख्न आजको खेल गर या मरको अवस्थामा छ।
दोस्रो खेलमा दिउँसो सवा ३ बजे कोलकाताको इडेन गार्डेन्समा समूह सीका इङ्गल्याण्ड र इटाली आमनेसामने हुनेछन् । आज हुने तेस्रो खेलमा श्रीलंका र अस्ट्रेलियाबीच प्रतिस्पर्धा हुनेछ ।
खेल साँझ सवा ७ बजे श्रीलंकाको पाल्लेकेलेमा सुरु हुनेछ । समूह बी को यो खेल जित्ने टोली सुपर एटको नजिक पुग्नेछ।
आजका खेलले सुपर एटको समीकरणलाई थप रोचक बनाउनेछन् ।
प्रकाशित मिति: ४ फाल्गुन २०८२, सोमबार
