स्रोत नखुलेको १४ लाख नगदसहित २१ वर्षका युवक पक्राउ
सिराहा । सिराहा स्रोत नखुलेको १४ लाख नगदसहित एक युवक पक्राउ परेका छन् ।
जिल्लाको औरही गाउँपालिका-५ औरही चोकबाट स्रोत नखुलेको नगद १४ लाख रूपैयाँसहित सिराहाकै बरियारपट्टी गाउँपालिका-३ शिवनगर बस्ने २१ वर्षीय संजित कुमार यादवलाई पक्राउ परेका हुन् ।
जिल्ला प्रहरी कार्यालय सिराहाका अनुसार प्रहरी चौकी औरहीबाट खटिएको प्रहरीले स।१० प ४०५ नम्बरको मोटरसाइकलसहित यादवलाई पक्राउ गरेको हो ।
उनको साथबाट १४ लाख नगदसँगै एक थान मोबाइल पनि बरामद भएको छ।
संजितलाई जिल्ला प्रहरी कार्यालयको हिरासतमा राखेर थप अनुसन्धान सुरु गरिएको प्रहरीले जनाएको छ।
प्रकाशित मिति: १० फाल्गुन २०८२, आइतबार
