उदयपुरमा बस दुर्घटना हुँदा १२ जना घाइते

उदयपुर । जिल्लाको उदयपुरगढी गाउँपालिका–७ अधेरी जोगी टोलमा बस दुर्घटना भएको छ ।

सोमबार दिउँसो कटारीबाट गाईघाटतर्फ आउँदै गरेको बा २ ख ६२५७ नं.को ओखलढुङ्गे बस दुर्घटनामा परेको हो ।

ब्रेक फेल भएर दुर्घटनामा परेको उक्त बसमा सवार १२ जना घाइते भएका छन्।

प्रहरीका अनुसार, बस ब्रेक फेल भई सडकबाट अन्दाजी ३०/४० फिट तल खसेर छ ।

दुर्घटना लगत्तै सशस्त्र प्रहरी बल नं. ५ गण उदयपुरको क्यूआरटी टोली घटनास्थल पुगेको थियो।

सशस्त्र प्रहरीको टोलीले घाइतेलाई उद्धार गरेर अस्पताल पुर्‍याइएको छ। दुर्घटनाको विस्तृत विवरण आउन बाँकी छ।