सुनचाँदीको मूल्यमा सामान्य वृद्धि

काठमाडौंं । नेपाली बजारमा बिहीबार सुनको मूल्य सामान्य बढेको छ ।

यस दिन सुन तोलामा ६०० रुपैयाँले बढेर तीन लाख १५ हजार ४०० रुपैयाँ तोकिएको नेपाल सुनचाँदी व्यवसायी महासंघले जनाएको छ ।

अघिल्लो दिन तीन लाख १४ हजार ८०० रुपैयाँमा कारोबार भएको थियो ।

यस्तै, चाँदीको मूल्य पनि प्रतितोला १० रुपैयाँले बढेर तोलाको पाँच हजार ७२५ कायम भएको छ ।

अघिल्लो दिन पाँच हजार ७१५ रुपैयाँमा कारोबार भएको थियो ।