तनहुँ–१ मा स्वतन्त्र उम्मेदवार लौडारी कांग्रेस प्रवेश

दमौली । तनहुँ–१ का स्वतन्त्र उम्मेदवार सन्देश लौडारीले आफ्नो उम्मेदवारी फिर्ता लिएर नेपाली कांग्रेसका उम्मेदवार गोविन्द भट्टराईलाई समर्थन गर्ने घोषणा गरेका छन् ।

आइतबार साँझ स्वतन्त्र उम्मेदवार लौडारीसहितका युवाहरू कांग्रेसमा प्रवेश गरेका हुन् । लौडारीले कांग्रेस प्रवेश गरेपछि करिब एक हजार मत पूर्ण रूपमा सहयोग हुने दाबी गरे ।

कांग्रेस उम्मेदवार भट्टराईले आफू नेपाल विद्यार्थी संघको केन्द्रीय अध्यक्ष हुँदाको समय स्मरण गर्दै आफू सधैँ युवा पुस्ता (जेनजी) को भावना बुझ्ने र उनीहरूकै प्रतिनिधित्व गर्ने नेता भएको बताए ।