कांग्रेस प्रवेश गर्दै मिराज ढुंगाना, सभापति थापाले भित्र्याउने

काठमाडौं । जेनजी अगुवा मिराज ढुंगाना नेपाली कांग्रेसमा प्रवेश गर्ने भएका छन् । उनी कांग्रेस सभापति गगनकुमार थापाबाट पार्टी प्रवेश गर्ने भएकाले ढुंगानासहितका युवाहरू सर्लाही ४ मा पुगिसकेका छन् ।

मिराजले गत भदौ २३ गतेको जेन–जी आन्दोलनका लागि काठमाडौं जिल्ला प्रशासन कार्यालयबाट स्वीकृति लिएका थिए । तर उनी आन्दोलनमा भने देखा परेनन् ।

माइतीघरबाट सुरु भएको जुलुस नयाँ बानेश्वर पुग्ने र सभामा परिणत गर्ने कार्यक्रम थियो । आन्दोलनमा घुसपैठ भउको भन्दै मिराजले सबै जेनजीहरूलाई घर फर्कन आह्वान गरेका थिए । तर, उनको आग्रहलाई कसैले नसुन्दा आन्दोलनले उग्र रुप लिएको थियो ।

जेनजी आन्दोलनपछि उनले नयाँ दल खोल्ने तयारीसमेत गरेका थिए । तर, अहिले उनी कांग्रेस प्रवेश गर्न लागेका हुन् । सभापति थापाले नै ढुंगानालाई कांग्रेसमा भित्र्याउँदै छन् ।