काठमाडौँ र इलाममा दुई जना मृत फेला
काठमाडौँ। काठमाडौँ र इलाममा छुट्टाछुट्टै स्थानमा दुई जना पुरुष मृत अवस्थामा फेला परेका छन्। काठमाडौँको बुढानिलकण्ठ नगरपालिका-१० कपन बालुवाखानीस्थित नगर अस्पताल नजिकैको झ्याङमा एक पुरुषको शव भेटिएको हो।
अन्दाजी ४० वर्षका देखिने ती पुरुषको नाम, थर र ठेगाना खुल्न सकेको छैन। आइतबार स्थानीयले शव देखेपछि प्रहरीलाई खबर गरेका थिए।
त्यस्तै इलामको सुर्योदय नगरपालिका-४ उनिउटारमा ५४ वर्षीय दिल कुमार तामाङ मृत फेला परेका छन्। उनी आफ्नै घर नजिकैको बाटोमा मृत अवस्थामा भेटिएका हुन्।
दुवै घटनाका सम्बन्धमा प्रहरीले प्रारम्भिक मुचुल्का तयार गरी आवश्यक अनुसन्धान सुरु गरेको छ।
प्रकाशित मिति: २५ फाल्गुन २०८२, सोमबार
