भरुवा बन्दुकसहित एक जना पक्राउ

सङ्खुवासभा । सङ्खुवासभाको भोटखोला गाउँपालिका- ४ स्थितबाट १ नाल भरुवा बन्दुकसहित १ जनालाई प्रहरीले पक्राउ गरेको छ । पक्राउ पर्नेमा सोही स्थानका धनमान विश्वकर्मा रहेका छन् ।

फागुन २५ गते धनमान विश्वकर्माले घरमा भरुवा बन्दुक लुकाई छिपाई राखेको छ भन्ने विशेष सूचनाको आधारमा इलाका प्रहरी कार्यालय हेदाङनाबाट खटिएको प्रहरी टोलीले खोजतलास गर्दा उनले आफ्नै घरभित्र लुकाइराखेको अवस्थामा १ थान भरुवा बन्दुक फेला पारी नियन्त्रणमा लिएको हो ।

पक्राउ परेका विश्वकर्मामाथि थप अनुसन्धान भइरहेको प्रहरीले जानकारी दिएको छ ।