बालेनपछि रास्वपा सहमहामन्त्री विपिन आचार्यले बुझाए चुनावी खर्च विवरण, कति खर्चिए ?
काठमाडौं । राष्ट्रिय स्वतन्त्र पार्टी (रास्वपा)का सहमहामन्त्री विपिन कुमार आचार्यले आफ्नो चुनाव खर्चको विवरण बुझाएका छन्।
चुनाव सकिएको हप्ता दिन नबित्दै आचार्यले खर्च विवरण निर्वाचन आयोगमा बुझाएका हुन् ।
विपिनले दिएको विवरण अनुसार निर्वाचनमा १६ लाख २९ हजार ५६२ रुपैयाँ खर्च भएको छ।
उनले खर्चेका ७ वटा शीर्षकमध्ये प्रचारप्रसार सामग्रीमा सबैभन्दा बढी ४ लाख ३५ हजार १२५ रुपैयाँ खर्च भएको छ । सवारी साधनरढुवानीमा ३ लाख ५९ हजार ३५० रुपैयाँ, गोष्ठी अन्तरक्रिया तथा सभामा २ लाख १४ हजार ५५, छापा तथा विद्युतीय माध्यममा २ लाख रुपैयाँ खर्च गरेका छन् ।
यस्तै,कार्यालय सञ्चालन खर्च १ लाख ९७ हजार ३०० र प्रतिनिधि तथा स्वंसेवक परिचालन खर्च १ लाख ८९ हजार ६८० रुपैयाँ रहेको छ ।
उनी दाङ-२ बाट उम्मेदवार बनेर भारी मतका साथ विजयी बनेका थिए । उनले २८ हजार २७२ मतान्तरले नेकपा एमालेका महासचिव शंकर पोखरेललाई हराएका थिए।
आचार्यले ४३ हजार ५५९ मत ल्याउँदा पोखरेल १५ हजार २८७ मत ल्याएर दोस्रोमा खुम्चिएका छन् ।
यसअघि रास्वपाका वरिष्ठ नेता एवम भावी प्रधानमन्त्रीका दावेदार बालेन्द्र साह बालने आफ्नो चुनावी खर्च विवरण बुझाएका थिए।
प्रकाशित मिति: २६ फाल्गुन २०८२, मंगलबार
