पोखरा लेकसाइडका आठ स्पा सञ्चालक पक्राउ

गण्डकी, चैत्र १६ । पोखराको लेकसाइडमा सञ्चालित आठवटा स्पा सेन्टर सञ्चालकलाई प्रहरीले पक्राउ गरेको छ ।

स्पामा बालिकाहरूलाई काममा लगाएकोलगायतका आरोपमा जिल्ला प्रहरी कार्यालय, कास्कीले आठ जना स्पा सञ्चालकलाई आइतबार पक्राउ गरेको हो ।

पक्राउ पर्नेमा पोखरा महानगरपालिका–६ लेकसाइड बस्ने ४७ वर्षीय होमबहादुर बुढाथोकी, सोही स्थानका २४ वर्षीया जेनिशा श्रेष्ठ सुनार, २३ वर्षीया शर्मिला परियार, ४२ वर्षीय सुरेश विक, २७ वर्षीय जीवन श्रेष्ठ, ३० वर्षीया अप्रिना खातुन, ४४ वर्षीय राजु थापामगर र पोखरा–१७ का २८ वर्षीय सरोज सुनार रहेको कार्यालयले जनाएको छ ।

मापदण्ड विपरीत स्पा सेन्टर चलाएको, बालिकाहरूलाई कामदार बनाएको र स्पा सेन्टरभित्र अवान्छित क्रियाकलाप गर्नेरगराउने गरेको आरोपमा उनीहरूलाई पक्राउ गरिएको कार्यालयका प्रहरी नायब उपरीक्षक हरिबहादुर बस्नेतले जानकारी दिए ।

स्पा सेन्टरबाट उद्धार गरिएका बालिकाहरूलाई परिवार र आफन्तको जिम्मा लगाइएको छ भने पक्राउ परेकामाथि अनुसन्धान अगाडि बढाएको जनाइएको प्रहरीले जनाएको छ ।