इरान वार्तामा नआए पहिले कहिल्यै नदेखेका समस्याहरू सामना गर्नुपर्ने ट्रम्पको चेतावनी

वासिङ्टन डीसी । अमेरिका र इरानबीच पाकिस्तानमा सम्भावित वार्ताको चर्चा चलिरहेको छ । यस्तोमा अमेरिकी राष्ट्रपति डोनाल्ड ट्रम्पले इरान अन्ततः वार्तामा आउने दाबी गरेका छन् ।
इरान वार्ताको टेबलमा नबसेमा आफू विश्वस्त रहेको सोमबार जोन फ्रेडरिक्स शो नामक रेडियो कार्यक्रममा छोटो टेलिफोन अन्तर्वार्ताका क्रममा ट्रम्पले बताए ।

इरान वार्तामा नआए पहिले कहिल्यै नदेखेका समस्याहरू सामना गर्नुपर्ने चेतावनी पनि ट्रम्पले दिए ।

‘ठीक छ, उनीहरू वार्ता गर्नेछन् र यदि उनीहरूले त्यसो गरेनन भने उनीहरूले पहिले कहिल्यै नदेखेका समस्याहरू देख्नेछन्,’ ट्रम्पले भने, ‘आशा छ उनीहरूले निष्पक्ष सम्झौता गर्नेछन् र उनीहरूले आफ्नो देशलाई पुनः निर्माण गर्नेछन् ।’

Laxmi sunrise bank
फोनवार्ता समाप्त गर्नुअघि ट्रम्प सैन्य कारबाही गर्नुको आफ्नो औचित्यबारे समेत बोले । ‘ भन्न चाहन्छु कि इरानमा हामीसँग कुनै विकल्प थिएन’ उनले भने, ‘हामीसँग विकल्प थिएन, हामीले त्यसो गर्नैपथ्र्यो ।’