काठमाडौं, जेठ ४
दुई दिनदेखि उकालो लाग्दै गरेको सुनको मूल्यमा आज भारी वृद्धि भएको छ ।

आज सुनको मूल्य प्रतितोला ५४ हजार ७ सय पुगेको छ । हिजोसम्म सुन प्रतितोला ५३ हजार ७ सयमा कारोबार भएको थियो । अस्ती मंगलबार सुन ५३ हजार ५ सय रुपैयाँमा किनबेच भएको थियो ।

त्यस्तै, चाँदीको मूल्यमा पनि पाँच रुपैयाँ वृद्धि भएको छ । आज चाँदी प्रतितोला ७ सय ५५ रुपैयाँ पुगेको छ । हिजो चाँदी ७ सय ५० रुपैयाँमा कारोबार भएको थियो ।

प्रकाशित मिति: ४ जेष्ठ २०७४, बिहिबार