राष्ट्रपतिद्वारा बजेटसम्बन्धी तीन विधेयक प्रमाणीकरण

काठमाडौँ, ३० असार । राष्ट्रपति रामचन्द्र पौडेलले आर्थिक वर्ष २०८३/८४ को बजेटसँग सम्बन्धित तीन विधेयक प्रमाणीकरण गरेका छन्।

राष्ट्रपति कार्यालयले सोमबार जारी गरेको विज्ञप्तिअनुसार सङ्घीय संसद्बाट पारित विनियोजन विधेयक, २०८३, राष्ट्र ऋण उठाउने विधेयक, २०८३ र आर्थिक विधेयक, २०८३ प्रमाणीकरण गरिएको हो।

नेपालको संविधानको धारा ११३ को उपधारा (२) बमोजिम राष्ट्रपति पौडेलले उक्त विधेयकहरू प्रमाणीकरण गरेको विज्ञप्तिमा उल्लेख छ।

विधेयक प्रमाणीकरण भएसँगै सरकारले आर्थिक वर्ष २०८३/८४ का लागि विनियोजित बजेट कार्यान्वयन गर्ने संवैधानिक तथा कानुनी आधार प्राप्त गरेको छ। अब बजेटका कार्यक्रम तथा योजनाहरू कार्यान्वयनको चरणमा प्रवेश गर्नेछन्।