काठमाडौं, जेठ ९
सुनको मूल्य आज एकै दिन ह्वात्तै बढेको छ ।

एक हप्तादेखि केही तलमाथि भइरहेको सुनको मूल्य आज ५००  रुपैयाँले बढेको छ । आज सुनको मूल्य प्रतितोला ५५ हजार रुपैयाँ पुगेको छ। हिजो सुन बजारमा प्रतितोला ५४ हजार ५ सय रुपैयाँमा कारोबार भएको थियो।

एक हप्तायता सुनको मूल्य १५ सय रुपैयाँले बृद्धि भएको छ । एक हप्ताअघि सुनको मूल्य प्रतितोला ५३ हजार ५ सय रुपैयाँ थियो ।
त्यस्तै, आज चाँदीको मूल्य पनि त्यहि जाँदोमा वृद्धि भएको छ।

आज चाँदीको मूल्य १५ रुपैयाँले बढेर प्रतितोला ७ सय ७० रुपैयाँ पुगेको छ। हिजो चाँदी प्रतितोला ७ सय ५५ रुपैयाँमा कारोबार भएको थियो ।

प्रकाशित मिति: ९ जेष्ठ २०७४, मंगलबार