भरतपुरमा एमाले सडकमा, अध्यक्ष ओली पनि जाँदै (तस्बीरसहित)
लक्ष्मण गौतम
भतरपुर, जेठ १६
भरतपुर महानगरपालिकाको मतगणनाका क्रममा मतपत्र च्यात्ने माओबादीका एजेन्टलाई तत्काल कार्वाही गर्नुपर्ने र मतगणना गर्नुपर्ने माग गर्दै भरतपुरमा एमाले आन्दोलित भएको छ । हिजो भएको घटनापश्चात नै एमाले आन्दोलित भएको हो ।
अहिले एमालेका नेता तथा कार्यकर्ताहरु तत्काल मतगणना गर्नुपर्ने र दोषिलाई कार्वाही गर्नुपर्ने माग गर्दै मतगणनास्थलमा धर्ना दिन जम्मा भइरहेका छन् । करिब १० हजारको संख्यामा रहेका एमाले नेता तथा कार्यकर्ताहरु धर्ना दिनका लागि नारायणगढ पुल्चोकबाट मतगणनास्थलमा गइरहेका छन् ।
आज एमाले अध्यक्ष केपी शर्मा ओली पनि मतपत्र च्यातिएपछिको स्थिति बुझ्न भरतपुर जाने भएका छन् । ओलीले प्रमुख निर्वाचन आयुक्तलाई भरतपुरको वडा नम्बर १९ मा पुनः निर्वाचन नगरि च्यातिएका बाहेकको मतगतणना गर्न लगाउन आग्रह गरेका छन् ।
प्रकाशित मिति: १६ जेष्ठ २०७४, मंगलबार
