कविता – के भो यो देशमा आज
![](https://www.deshkonews.com/wp-content/uploads/2015/07/ramesh.jpg)
![ramesh](https://www.deshkonews.com/wp-content/uploads/2015/07/ramesh.jpg)
के भो यो देशमा आज कसले गर्यो कस्तो अतिरन्जित यो
लुच्चा नेता फटाहालाई सफाई, सोझा साझालाई दण्डित भो ।
चार वर्ण छत्तीस जातको साझा फुलबारी
यो हाम्रो देशमा बिबिध जात किन दलित, जनजाति, मधेशी र पण्डित भो ।
लुच्चा नेता फटाहालाई सफाई, सोझा साझालाई दण्डित भो
हिमाल-तराई र मेची-महाकाली थियो
एउटै नाम नेपाली, सुन्दर शान्त बिशाल प्यारो देश टुक्रा टुक्रामा खण्डित भो ।
लुच्चा नेता फटाहालाई सफाई, सोझा साझालाई दण्डित भो
स्वतन्त्र स्वाभिमानी नेपाली जनता,
गगनमा उड्ने पक्षी झैं तिनै नेपाली बिना अर्थ आ-आफ्नै घरमा थुनिएर बन्धित भो ।
लुच्चा नेता फटाहालाई सफाई, सोझा साझालाई दण्डित भो
(घोरेटार भोजपुर)
प्रकाशित मिति: २२ असार २०७२, मंगलबार