काठमाडौं, असार ११
स्थानीय तहको दोस्रो चरणअन्तर्गत असार १४ गते हुने चुनावका लागि आज प्रचार–प्रसारको अन्तिम दिन हो । निर्वाचन आचारसंहिताअनुसार आज मध्यरातिदेखि नै मौन अवधि सुरु हुन्छ ।

मतदान नसकिएसम्म लागू हुने मौन अवधिमा मतदातालाई प्रभावित पार्ने र प्रचारका कुनै पनि काम गर्न पाइने छैन । आज अन्तिम दिन भएकाले उमेदवारले प्रचारप्रसार गर्न खटिएका छन् ।

सञ्चारमाध्यमहरुलाई पनि मौन अवधि लाग्ने गर्छ । यस अवधिमा कुनै पनि राजनीतिक दल वा उम्मेदवारलाई भोट माग्दै विज्ञापन वा सन्देश प्रकाश प्रसारण गर्न रोक लगाइएको छ ।

त्यस्तै सामाजिक सञ्जाल फेसबुक, ट्विटर लगायतमा समेत मौन अवधिमा प्रचार प्रसार गर्न निर्वाचन आयोगले रोक लगाएको छ ।

प्रकाशित मिति: ११ असार २०७४, आइतबार