बाख्रादेखि मान्छेसम्म खान पल्केको चितुवा पासोमा




झापा, भदौ १८
झापाको गौरादह नगरपालिका–९ मा एक महिनादेखि दर्जनौ बाख्रा, कुकुर र मान्छेसमेत खाएको चितुवा पासोमा परेको छ । एक महिनादेखि स्थानीयलाई दुःख दिंदै आएको चितुवा वडा कार्यालयले बनाएको पासोमा आज बिहान पासोमा परेको हो ।

चितुवा आतंकले हैरान बनेका स्थानीयको गुनासोेपछि वडा कार्यालयले स्थानीय संथाल जातीको सहयोगबाट पासो बनाई थापेको वडा अध्यक्ष सिताराम भट्टराईले जानकारी दिए ।

फलामको पत्ति जोडेर बनाइएको सो पासोमा दुई कोठा बनाइएको र एउटा कोठामा बाख्रा राख्ने गरिएको थियो । बाख्रा खान खोरमा परेपछि चितुवा पासोमा परेको हो । सो चितुवाले अहिलेसम्म गाउँका १२ वटा बाख्रा, ३ वटा कुकुर र एउटा बाछो समेत खाईसकेको स्थानीयले बताएका छन् । पासोमा परेको चितुवालाई स्थानीयको सहयोगमा जिल्ला बनकार्यालयलाई बुझाउने तयारी भइरहेको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News