रौतहट, असोज ३

प्रदेश नम्बर २ को स्थानीय तह निर्वाचनमा एमाले नेता माधव नेपालको गृह जिल्ला रौतहटबाट नेपाली कांग्रेसले पहिलो खाता खोलेको छ ।

जिल्लाको ईशनाथ नगरपालिका वडा नम्बर १ को अध्यक्षमा कांग्रेसका उम्मेद्वार विगु साह वनिया विजयी भएका छन् ।

रौतहट जिल्ला लगायत २ नम्बर प्रदेशका ८ जिल्लाका अधिकांश स्थानीय तहमा मतगणना जारी छ । अहिलेसम्म माओवादी केन्द्रले दुईवटा वडा जितेको छ ।

त्यस्तै संघीय समाजवादी फोरमले पनि एउटा वडा जितेको छ भने कांग्रेस अगाडि देखिएको छ । कांग्रेस, एमाले, माओवादी क्रमशः अगाडि देखिएका छन् ।

प्रकाशित मिति: ३ आश्विन २०७४, मंगलबार