प्राविधिक शिक्षामा लगानी बढाइने शिक्षा राज्यमन्त्री अधिकारीको जोड



काठमाडौँ,  कात्तिक ६

शिक्षा राज्यमन्त्री शेषनाथ अधिकारीले प्राविधिक शिक्षा क्षेत्रमा सरकारले लगानी बढाउने प्रतिबद्धता व्यक्त गर्नुभएको छ ।

सञ्चार केन्द्र नेपालले आज यहाँ आयोजना गरेको ‘प्राविधिक शिक्षा आजको आवश्यकता’ विषयको छलफल कार्यक्रममा राज्यमन्त्री अधिकारीले विश्व परिवेश सुहाउँदो प्राविधिक र व्यावसायिक शिक्षाको विकास गरी मुलुकका बेरोजगारी अन्त्य गर्न लगानी बढाउन आवश्यक रहेकामा जोड दिनुभयो ।

प्राविधिक शिक्षा तथा व्यावसायिक शिक्षा परिषद्का सदस्य सचिव पुष्परमण वाग्लेले यस क्षेत्रमा विद्यार्थी र बजारको माग बढेकाले सरकारले लगानी बढाउनुपर्ने आवश्यकता औँल्याउनुभयो ।

नेपाल विद्यार्थी संघका अध्यक्ष नैनसिहं महरले सरकारले अध्यादेशबाट ल्याउन लागेको चिकित्सा शिक्षा विधेयकमा नयाँ मेडिकल खोल्न रोक लगाउन नहुने धारणा राख्नुभयो ।

अनेरास्ववियु (क्रान्तिकारी)का अध्यक्ष रञ्जित तामाङले सरकारले प्रतिबद्धता गरेअनुसार शिक्षा क्षेत्रमा लगानी गर्न नसकेको गुनासो गर्नुभयो ।

अनेरास्ववियुका सचिव समिक बडाल, नेकपा निकट अनेरास्ववियु (क्रान्तिकारी) का महासचिव दीपेन्द्र चलाउने, शिक्षा पत्रकार समूहका पूर्वाध्यक्ष प्रकाश सिलवाल, नेपाल पत्रकार महासंघ काठमाडौँका अध्यक्ष शन्तराम बिंडारी, केन्द्रका अध्यक्ष गोविन्द चौलागाईँलगायतले माध्यमिक तहसम्मको शिक्षाको जिम्मेवारी स्थानीय तहको भएकाले ती तहलाई प्रभावकारी बनाई प्राविधिक शिक्षाको विस्तार गर्न जोड दिनुभयो । रासस

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News