बाम गठबन्धनको ताप्लेजुङ-दार्चुला अभियान स्थगित



काठमाडौं, कार्तिक २०

एमाले र माओवादी केन्द्रले पार्टी एकता संयोजन समितिका तर्फबाट सुरु गर्न लागेको ताप्लेजुङ–दार्चुला अभियान स्थगित गरेका छन् ।

एकता र तालमेलको सन्देश दिन आइतबारबाट सुरु गर्ने भनिएको एकहप्ते अभियान स्थगित गरिएको एमाले केन्द्रीय कार्यालयका सचिव कृष्णगोपाल श्रेष्ठले जानकारी दिए ।

अभियानको पहिलो कार्यक्रमअन्तर्गत एमाले अध्यक्ष केपी ओली आइतबार ताप्लेजुङमा आयोजित चुनावी सभामा सहभागी भए पनि चुनावी कार्यक्रमको व्यस्तताका कारण माओवादी केन्द्रका अध्यक्ष पुष्पकल दाहाल प्रचण्ड सहभागी भएनन् । उनी आफ्नो चुनावी क्षेत्र चितवन–३ मा व्यस्त छन् ।

‘नेताहरूको चुनावी व्यस्तताका कारण अहिलेलाई अभियान स्थगित भएको छ, आपसी सल्लाहमा फेरि सुचारु हुन सक्छ,’ श्रेष्ठले भने । यद्यपि, जिल्लादेखि गाउँ तहसम्म संयुक्त भेला, चुनावी सभालगायत कार्यक्रम भने जारी रहेको उनले बताए ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News