गर्भावस्थाको अन्तिम ३ दिन कोल्टे फर्केर सुते मृत शिशु जन्मिने सम्भावना कम



काठमाडौं, म‌ंसिर ४

गर्भावस्थाको अन्तिम तीन महिना गर्भवती महिला कोल्टे फर्केर सुतेमा मृत शिशु जन्मिने सम्भावना कम हुने एक अध्ययनले देखाएको छ ।

एक हजार भन्दा बढी महिलामा गरिएको अध्ययनबाट गर्भावस्थाको अन्तिम तीन महिना गर्भवती महिला खोप्टी परेर वा माथि फर्केर भन्दा कोल्टे परेर सुतेमा मृत शिशु जन्मिने सम्भावना कम हुने देखिएको हो । मृत शिशु जन्माएका दुई सय ९१ तथा स्वस्थ शिशु जन्माएका सात सय ३५ महिलामा गरिएको अध्ययनबाट यस्तो देखिएको हो ।

सुत्ने बेलामा कसरी सुतिएको छ भन्ने कुराले महत्व राख्ने तर सुत्दा कोल्टे परेर सुतेको तर उठ्ने बेलामा माथि फर्किएको भए डराउनु नपर्ने अनुसन्धानकर्ताले बताएका छन् । विश्वमा अहिले पनि मृत शिशु जन्मिने क्रम रहेको छ । सुत्ने तरिका मिलाउन सके यसलाई घटाउन सकिने देखिएको हो ।

न्युजिल्याण्ड र अस्ट्रेलियामा गरिएको अनुसन्धानको प्रतिवेदन ब्रिटिस जर्नल अफ ओब्सेट्रिक्स एण्ड गाइनकोलोजीमा प्रकाशित भएको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News