नेपालीलाई फिल्म ‘रेस–३’ हेर्न सलमानको आग्रह, यसरी गरे सम्बोधन (भिडियोसहित)
![](https://www.deshkonews.com/wp-content/uploads/2018/01/Salman-khan-25.jpg)
नयाँ दिल्ली, जेठ २९
ईदमा रिलिज हुन लागेको आफ्नो फिल्म ‘रेस–३’ हेर्न बलिउड सुपरस्टार सलमान खानले नेपाली दर्शकलाई आग्रह गरेका छन् । एक भिडियो सार्वजनिक गर्दै सलमानले आगामी फिल्म हेर्न नेपालीसँग आग्रह गरेका हुन् ।
उनले भिडियोमार्फत ईदको शुभकामनासमेत दिएका छन् । सयभन्दा बढी हलमा रिलिज हुन लागेको ‘रेस ३’ को नेपाल प्रदर्शन अधिकार गोपीकृष्ण मुभिजले खरिद गरेको छ । १५ जूनबाट ‘रेस ३’ संसारभर प्रदर्शनमा आउँदैछ ।
रेमो डिसूजा निर्देशित यो फिल्ममा सलमानसँगै ज्याकलीन फर्नान्डिज, बबी देओल, अनिल कपूर, डेजी शाहलगायतको लिड रोल छ । रमेश तौरानी यस फिल्मका निर्माता हुन् ।
यो फिल्मसँग जुध्न यसपटक पनि नेपाली कुनै पनि फिल्म प्रदर्शनमा नआउने भएका छन् ।
हेर्नुहोस् भिडियो…
प्रकाशित मिति: २९ जेष्ठ २०७५, मंगलबार