कुहिएको चामल दिने आपूर्तिकर्तालाई दुई लाख रुपैयाँ जरिवाना




धनगढी, वैशाख ३०
धनगढी उपमहानगरपालिकालाई राहतमा कुहिएको चामल दिने धनगढीको एक आपूर्तिकर्तालाई जरिवाना गरिएको छ । उपमहानगरपालिकालाई राहतको चामल दिने धनगढीको ठाकुर ट्रेड लिङ्कलाई दुई लाख रुपैयाँ जरिवाना गरिएको हो ।

धनगढी उपमहानगरपालिकाले खरिद गरि वितरणका लागि विभिन्न वडामा पठाएको राहतको चामल कुहिएको भेटिएको थियो । चामल कुहिएको भन्दै पीडितहरुले गुनासो गरेपछि उपमहानगरपालिकाको पहलमा खाद्य प्रविधि तथा गुण नियन्त्रण कार्यालयको टोलीले अनुसन्धान गरेको थियो ।

गुण नियन्त्रण कार्यालयका सूचना अधिकारी दीपक कुँवरले उपभोक्ता संरक्षण ऐन २०७५ अनुसार गुणस्तरहीन वस्तु वा सेवा प्रदान गरेवाफत दुई लाख रुपैयाँ जरिवाना गरिएको बताए । साथै सो आपूर्ति गरेको वस्तु वितरण नगर्ने गरि रोक्का गरिएको कुँवरले जानकारी दिए । उनकाअनुसार आपूर्तिकर्ताको गोदाममा मौज्दात चामल पनि कुहिएको भेटिएको थियो ।

धनगढी उपमहानगरपालिकाले दुई करोड ६१ लाख तीन हजार रुपैयाँमा तीन सय क्वीन्टल चामल, आठ सय क्वीन्टल दाललगायतका खाद्य सामग्री खरिद गरेको थियो । जसका लागि उपमहानगरपालिकाले ठाकुर ट्रेड लिंङ्कसंग सम्झौता गरेको थियो ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News