गायिका कोमल वलीले लाइन मिच्दा झगडा

काठमाडौं, असोज ११

आफ्नो कारमा पेट्रोल भर्न पुल्चोक पेट्रोल पम्पमा पुगेकी कोमल वलीले पेट्रोल भर्ने क्रममा लाइन मिचेर अगाडी गएपछि झगडाकाे स्थिति सिर्जना भएको होे । मंगलबार साढे १२ बजे पेट्रोल भर्न पुगेकी गायिका कोमल वलीले लाइन मिचेर अगाडी गएपछि पछाडी लाइनमा बसेका चाकुपाटका डाक्टर अमितमान जोशीले लाइन मिचेको भन्दै कारको साँचोले वलीको कार कोरेपछि वली र डाक्टरबीच विवाद चर्केको थियाे ।

विवाद साम्य नभएपछि उनीहरु दुबैलाई प्रहरीले जावलाखेल प्रहरी परिसरमा लगेकाे थियाे । पछि वली र डाक्टर जोशीका आफन्त बीच कोरेको कार बनाइदिने सहमति भएपछि प्रहरीले उन्मुक्ति गरेको स्रोतले बताएको छ ।