प्रधानमन्त्री दाहालद्धारा ब्रिक्स र बिमेस्टेमा सम्बोधन
काठमाडौं, असोज ३०
भारतको गोवामा चलिरहेकोे ब्रिक्स र बिमेस्टेक देशहरुको संयुक्त बैठकलाई प्रधानमन्त्री पुष्पकमल दाहालले सम्बोधन गरेका छन् ।
प्रधानमन्त्री दाहालले बिमेस्टेक देशहरुको संस्कृति, इतिहास र भूगोलमा समानता रहेको भन्दै बिमेस्टेक देशहरुको एकतामा जोड दिएका छन् ।
सम्बोधनमा प्रधानमन्त्री दाहालले बिमेस्टेक देशहरुबीचको कनेक्टिभिटीलाई नेपालले मुख्य प्राथमिकतामा राखेको बताउँदै उर्जा र जलविद्युत लगायत विकासका क्षेत्रमा मिलेर काम गर्न प्रस्ताव गरेका उनको निजी सचिवालयले जनाएको छ ।
त्यस्तै प्रधानमन्त्री दाहालले आतंकवाद र अतिवादी बिमेस्टेक देशहरुका साझा चुनौती भएकाले आपसमा मिलेर सामना गर्नुपर्नेमा जोड दिए ।
ब्रिक्स सम्मेलनका क्रममा बिमेस्टेक देशका प्रमुखहरुलाई गोवामा बोलाइएको थियो ।
प्रकाशित मिति: ३० आश्विन २०७३, आइतबार
