काठमाडौं, मंसिर २

बैदेशिक रोजगारीको शिलशिलामा कुबेतमा रहेर बिभिन्न समास्यामा परेका १७ जना घरेलु महिला कामदारलाई नेपाली दूताबास कुबेतको पहलमा उद्दार गरि नेपाल फर्काईएको छ ।

आफू कार्यरत घर छाडी नेपाली दूताबासको सम्पर्कमा आएका मध्ये १७ जना पिडित घरेलु कामदारलाई आबश्यक प्रक्रिया पुरा गरी बुधबार नेपाल फर्काईएको दुर्तीय सचिब भोगेन्द्र लिन्देंनले जानकारी गराएका छन् ।

राहदानी नभएका पिडितहरुलाई ट्राभल डकुमेन्ट बनाईदिनुको साथै दुताबासको पहलमा डिपोर्टेसन विभागका अधिकारीहरुले सम्बन्धित स्पोन्सरबाट टिकटको ब्यबस्था गरिदिएको थियो ।

प्रक्रिया पुरा गरि १८ जनाको कुबेतको नेपाली दुताबासले घर फिर्तीको लागि पहल गरे मध्येकी लामो समय कुबेतको अस्पतालमा उपचार्थ सिन्धुपाल्चोककी अनिशा बिकको स्वास्थ्यलाई ध्यानमा राख्दै निजको निगरानी राख्ने ब्यक्ति नभएको भन्दै फ्लाई दुबईले फिर्ता गरेको बुझिएको छ ।