कप्तान क्षेत्री र प्रशिक्षक बस्न्यातको राजिनामा माग
काठमाडौं, मंसिर ११
अभ्यास खेलमा थाईल्याण्डसँग पराजित नेपाली महिला क्रिकेट टिमले आज पाकिस्तान महिला टिमसँग लज्जास्पद हार बेहोरेको छ । ५० रन पनि बनाउन नसकेको नेपाली महिला टिमसँग पाकिस्तान महिला टिमले ३३ मिनेटमै खेल जित्यो ।
थाईल्याण्ड उड्नु अघि प्रशिक्षक राजु बस्न्यातकै आशावादी कुरा सुनेका क्रिकेट प्रेमीहरुले कडा टिप्पणी गर्दै सामाजिक सन्जालमा उनको राजिनामा माग गरेका हुन् । यस्तै टिम कम्बिनेशन र रणनिति कमजोर देखिदै आएकोमा कप्तान रुविना क्षेत्रीको पनि राजिनामा माग गरेका छन् ।
सामाजिक सञ्जालमा टिप्पणी गरेका क्रिकेट प्रेमिहरुले रुविनाले कप्तानीमा न्याय गर्न नसकेको आरोप लगाइएको छ ।
प्रकाशित मिति: ११ मंसिर २०७३, शनिबार
