काठमाडौं, साउन ७ । नेपाल राष्ट्र बैंकले लघुवित्तको संख्या घटाउन जोड दिएको छ ।

नेपाल राष्ट्र बैंकले चालु आर्थिक वर्ष २०८०/८१ को लागि सार्वजनिक गरेको मौद्रिक नीतिमा २०८१ असार मसान्तसम्म एकीकृत कारोबार संचालन गरेमा विद्यमान सुविधाहरु उपलब्ध हुने गरी लघुवित्त वित्तीय संस्थाहरुको मर्जर र प्राप्तिलाई प्रोत्साहन गरिने व्यवस्था गरेको हो ।

त्यस्तै, लघुवित्त वित्तीय संस्थाको समस्या र सुझाव सम्बन्धमा गठित अध्ययन समितिले तयार पारेको अध्ययन प्रतिवेदनका सुझावहरुलाई क्रमशः कार्यान्वयन गर्दै लगिने समेत मौद्रिक नीतिमा व्यवस्था गरिएको छ ।

प्रकाशित मिति: ७ श्रावण २०८०, आइतबार