काठमाडौं, मंसिर २५

कुलचन्द्र गौतम स्मृति संस्थाको वार्षिक साधारण सभा तथा ५८ औँ कुलचन्द्र स्मृति दिवस एक कार्यक्रमका बिच सम्पन्न भएको छ ।कार्यक्रममा स्वर्गिय चर्चित साहित्यकार कुलचन्द्र गौतमले दिनुभएको योग्दानका बारेमा चर्चा गरिएको थियो ।

थुप्रै पुरस्कार बाट सम्मानित भइसक्नुभएका कुलचन्द्र गौतमको योग्दान अतुलनिय रहेको र ४० भन्दा बढि उत्कृष्ट साहित्य रचना गर्नुभएका गौतमलाई जर्मन सरकारले उत्कृष्ट सम्मान गरेको बताईएको थियो ।कार्यक्रममा सहभागि हरुले उहाँको खुलेर प्रशंसा गरेका थिए ।

कार्यक्रममा सामाजिक क्षेत्रमा सक्रिय रहेर योग्दान दिएकी डा Þउषा ठाकुरलाई नगद एघार हजार एक सय एघार सहित सम्मान पनि गरिएको छ ।

यसैबिच संस्थाले केहिसमय अघि आयोजना गरेको निबन्ध कार्यक्रमका सहभागि हरुलाई पनि सम्मान गरेको छ । कार्यक्रममा ७ जना निबन्ध लेखक हरुलाई नै सम्मान गरियो ।

त्यसैगरि उत्कृष्ट ३ जना निबन्ध लेखक हरु दिलिपकुमार श्रीवास्तवलाई प्रथम पुरस्कार अन्तर्गत नगद १२०००, सुनिल जोसिलाई द्धतिय पुरस्कार नगद १०००० र शिव प्रसाद पराजुलीलाई तृतीय पुरस्कार नगद ७००० सहित सम्मान गरिएको छ ।
कार्यक्रममा संस्थाकी अध्यक्ष शुप्रभा घिमिरे ,माधवराज गौतम लगायतले मन्तव्य राख्दै भईरहेको वातावरण प्रदुषणमा पत्रकारले विशेष भुमिका निर्वाह गर्नुपर्ने बताउनुभएको थियो ।

प्रकाशित मिति: २५ मंसिर २०७३, शनिबार