काठमाडाैं, माघ १४

गायक प्रकाश ओझा प्रकाउ परेका छन् । चर्चित गायक अाेझा गीत रेकर्डिङका लागि काठमाडौं आएका बेला शुक्रबार शंखमुलबाट पक्राउ परेका हुन् ।

युवतीलाई विभिन्न प्रलोभन देखाएर यौन शोषण गर्ने, तस्बिर लिने र त्यही फोटो देखाएर ब्यालमेलिङ गर्ने गरेको भन्दै उनीविरुद्ध मुद्दा दायर भएको थियो ।

सुनसरी इटहरी नगरपालिका ४ का फरार अभियुक्त प्रकाश ओझालाई नेपाल प्रहरीको केन्द्रीय अनुसन्धान ब्युरो सीआईबीले पक्राउ गरी आवश्यक कारवाहीका लागि जिल्ला अदालत काठमाडौंमा उपस्थित गराएको छ ।

ओझालाई सर्वोच्च अदालतको २०७३ माघ ४ गते १० बर्ष कैद सजाय सुनाएको थियो ।  ओझाले २०५९ सालदेखि लगातार २ बर्षसम्म डर त्रास देखाई अनुचित प्रभावमा पारी तीन जना नाबालिकाहरुसँग अनैतिक सम्बन्ध राखेको प्रहरीले जनाएको छ ।