काठमाडौँ र भक्तपुरमा चोरी

काठमाडौँ । काठमाडौँ र भक्तपुरमा आइतबार चोरी भएको छ ।

काठमाडौँ महानगरपालिका-२६ कपुरधारास्थित तार्केश्वर नगरपालिका-४ बस्ने गोरखा, गोरखा नगरपालिका(४ घर भएका ३३ वर्षीय गणेश भट्टराईको ओम बौद्धिक ज्योतिष परामर्श सेवा केन्द्रबाट ल्यापटप १ थान र नगद गरी करिब १ लाख ८ हजार रुपैयाँ बराबरको धनमाल आइतबार बिहान चोरी भएको हो ।

उता भक्तपुरको भक्तपुर नगरपालिका-२ औद्योगिक क्षेत्र बस्ने कृष्ण कुमार श्रेष्ठको घरबाट सुनका विभिन्न गरगहना तथा नगद गरी करिब ६ लाख ५९ हजार रुपैयाँ बराबरको धनमाल आइतबार साँझ चोरी भएको छ ।

प्रहरीले चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।