एउटै रुखमा झुन्डिएको अवस्थामा पुरुष र महिला मृत फेला
विराटनगर । मोरङमा युवा र युवती एउटै रुखमा झुन्डिएको अवस्थामा मृत फेला परेका छन्।
मोरङ्गको पथरीशनिश्चरे–५ का अजय टुडू र झापाको गौरीगन्ज गाउँपालिका–२ की जाबुमुनी हस्दा झुण्डिएको अवस्थामा मृत फेला परेका हुन् ।
पथरीशनिश्चरे नगरपालिका–५ मौलीबारीस्थित बक्राहा खोलाको किनारमा रहेको पिठारीको रूखको एउटै हाँगोमा झुन्डिएको अवस्थामा उनीहरु फेला परेको प्रहरीले जनाएको छ ।
उनीहरु दुवै विवाहित हुन् । मृतक युवतीको विवाह भने मोरङको कटरी गाँउपालिकामा विवाह भएको थियो ।
मृत फेला परेकी जुबामुनीका पति कान्छा टुडू वैदेशिक रोजगारीको सिलसिलामा विदेशमा रहेका छन् । मृतक अजयको घरमा पत्नी र २ जना छोरा छन्।
प्रकाशित मिति: २० फाल्गुन २०८१, मंगलबार
