आज पनि दोहोरो अंकले घट्यो नेप्से, ८ अर्ब ३७ करोडको कारोबार

काठमाडौं । साताको दोस्रो कारोबार दिन आज पनि सेयर बजार परिसूचक नेप्सेमा उच्च गिरावट आएको छ ।

नेप्से परिसूचक २०‍.६८ अंकले घटेर बजार २७५१ मा कायम भएको हो। योसहित लगातार छैटौं दिन बजार घटेको छ ।

गत सोमबारयता कारोबार भएका सबै दिन बजार घटेको छ ।आज ८७ हजार १५६ पटकको सेयर किनबेचबाट ८ अर्ब ३७ करोड ८० लाख रुपैयाँ कारोबार भएको छ ।

कुल १ करोड ५० लाख ९४ हजार ९१५ कित्ता सेयर किनबेच भए । आज अधिकांश उपसमूहहरु घटे ।नेस्डो समृद्धि लघुवित्तको १० प्रतिशत मूल्य बढ्यो ।

गार्डियन माइक्रोलाइफ इन्स्योरेन्सको ८.७३, विन नेपाल लघुवित्तको ८.५३, स्वाभिमान लघुवित्तको ३.०२ तथा ग्रिन डेभलपमेन्टको २.५६ प्रतिशत बढ्यो ।

उपकार लघुवित्तको ६.९८, सिक्लेस हाइड्रोपावरको ५.८६, उन्नति सहकार्य लघुवित्तको ४.६२ प्रतिशत मूल्य घट्यो ।