सुमनाले किन दिइन् रास्वपा सहमहामन्त्रीबाट राजीनामा ?
काठमाडौं । रास्वपाको सहमहामन्त्रीबाट सुमना श्रेष्ठले राजीनामा दिएकी छन् ।
स्रोतका अनुसार रवि लामिछाने पछिल्लो पल्ट पार्टीमा फर्किएकै दिनमा उनले राजीनामा बुझाएकी हुन् । तर अहिले राजीनामाका सम्बन्धमा श्रेष्ठले कुनै धारणा सार्वजनिक गरेकी छैनन् ।
एक व्यक्ति एक पदको नीति पार्टीमा माथिदेखि तलसम्मै कार्यान्वयन हुनुपर्नेमा उनको जोड छ । आफू संसद्मा केन्द्रित रहनुपर्ने भएकाले पनि पार्टीको सहमहामन्त्रीको जिम्मेवारीमा रहन नसक्ने भन्दै उनले राजीनामा बुझाएको बताइन्छ ।
रास्वपाले केन्द्रीय समिति बैठक आजका लागि बोलाएको छ ।
प्रकाशित मिति: ४ बैशाख २०८२, बिहिबार
