प्रहरी देखेपछि भागेको कार दुर्घटना, ४२१ किलो गाँजा बरामद
काठमाडौं । प्रहरी देखेपछि भागेको कार दुर्घटना भएको छ ।
बुधबार बिहान धनकुटाको साँगुरीगढी गाउँपालिका–६ नमस्ते झरनास्थित कोसी लोकमार्गमा धनकुटाबाट धरानतर्फ जाँदै गरेको कारलाई प्रहरीले चेक गर्न खोज्दा भागेको थियो ।
को २ प १७३४ नम्बरको कार भागेपछी पिछा गर्दा उक्त कार गति अनियन्त्रित भई भित्तामा ठोकिएको थियो ।
चालक फरार भएको अवस्थामा कार नियन्त्रणमा लिएको प्रहरीले बताएको छ ।
चेक गर्दा १२ वटा पोकामा ४२१ किलो गाँजा फेला परेको सशस्त्र प्रहरी बलले जनाएको छ ।
सशस्त्र प्रहरी बलले गाँजासहित कार नियन्त्रणमा लिएको छ ।
प्रकाशित मिति: १७ बैशाख २०८२, बुधबार
