आज दिनभर पानी पर्छ–मौसमविद

काठमाडौं, फागुन २८

काठमाडौं उपत्यकासहित देशका धेरै ठाउँमा शनिबार पनि दिनभर पानी पर्ने मौसमविद्ले बताएका छन् । पश्चिमी वायुसँगै स्थानीय वायुको पनि प्रभाव परेकाले शुक्रबारदेखि देशका धेरै ठाउँमा पानी परिरहेको मौसमविद् राजु प्रधानाङ्गले जानकारी दिए ।

उनका अनुसार गएको २४ घण्टामा काठमाडौं उपत्यकामा मात्रै ३३ मिलिमिटर पानी परेको छ । अहिलेको यो प्रणाली निकै ठूलो भएकाले आज एकैछिन खुलेपनि मौसम बदली भइ पानी पर्ने जानकारी दिए । आइतबारदेखि मात्र मौसममा सुधार आउने उनले बताए ।
प्रि मनसुन सुरु भइसकेकाले अब दिउँसोपछि पहाडी क्षेत्रमा गड्याङगुडुङसहित पानी पर्नु सामान्य भएको पनि मौसमविद् प्रधानाङ्गको भनाई छ ।