दुबईमा नेपाली युवकको मृत्यु

इलाम । इलामको माईजोगमाई गाउँपालिका–५ (सोयाङ) का ३४ वर्षीय बुद्धि आचार्यको दुबईमा मृत्यु भएको छ ।

गत अप्रिल ३ (चैत २३) गतेदेखि सम्पर्कविहीन बनेका आचार्य खोजीका क्रममा शरीरमा चोटपटक लागेको अवस्थामा मृत भेटिएका थिए ।

उनको भिनाजु सोम शर्माका अनुसार सात वर्षअघि रोजगारीका सिलसिलामा दुबई गएका उनी दुई वर्षअघि घर आएर विवाह गरी श्रीमती लिएर उतै फर्किएका थिए।

शर्माका अनुसार दुबईबाट उनको शव नेपाल ल्याइसकिएको छ ।