हावाहुरीले घर भत्किँदा एक जनाको मृत्यु
झापा । हावाहुरीका कारण घर भत्किँदा गएराति हल्दीबारीमा एकजनाको मृत्यु भएको छ ।
जिल्ला प्रहरी कार्यालयका प्रहरी नायब उपरीक्षक खगेन्द्रबहादुर खड्काका अनुसार हल्दीबारी गाउँपालिका–५ त्रिवेणी चोकका ६५ वर्षीय मानबहादुर मगरको मृत्यु भएको हो ।
हुरीले टिनको छाना भएको घरको बिमले थिचेर मगरको मृत्यु भएको प्रहरीले जनाएको छ ।
प्रकाशित मिति: १ जेष्ठ २०८२, बिहिबार
