एमालेले कैलाली र कञ्चनपुरमा सभा गर्दै

काठमाडौं, चैत्र ३
नेकपा एमालेको मेची महाकाली अभियान अन्तर्गत बिहीबार कैलाली र कञ्चनपुरमा कार्यक्रम हुँदैछ । कैलालीको धनगढी र कञ्चनपुरको महेन्द्रनगरमा सभाको तयारी भइरहेको एमालेले जनाएको छ । सभालाई पार्टी अध्यक्ष केपी शर्मा ओलीसहित शीर्ष नेताले सम्बोधन गर्नेछन् ।

एमालेले बुधबार कैलालीको टीकापुर र बर्दियामा कार्यक्रम गरेको थियो । स्थानीय तहको चुनाव, संविधान कार्यान्वयन लगायत विषयमा जानकारी दिन एमालेले मेची महाकाली यात्रा गरिरहेको छ । शनिबार सुर्खेतमा सभा गरेर अभियान सक्ने एमालेको तयारी छ ।