भारतबाट नेपालमा साना हतियार तस्करी गर्ने गिरोहका एक नाइके पक्राउ

काठमाडौं । भारतबाट नेपालमा साना हतियार तस्करी गर्ने गिरोहका एक नाइके पक्राउ परेका छन् ।

लामो समयदेखि खोजीमा रहेको उक्त गिरोहको एक भारतीय नागरिकलाई दुई दिनअघि मात्रै प्रहरीको विशेष टोलीले नियन्त्रणमा लिएको हो ।

नेपालमा अवैध साना हतियार तस्करी गराउने, भारतसँग सीमा जोडिएका जिल्ला तथा काठमाडौंसम्मै ल्याइदिने गरेको प्रहरी स्रोतले जनाएको छ ।

पक्राउ परेका नाइकेमाथि ब्युरोको टोलीले थप अनुसन्धान जारी राखेको छ ।

भारतीय नागरिकको बयानका आधारमा केही नेपालीको भूमिका खुल्ने ब्युरोको अपेक्षा छ ।