जिप दुर्घटना हुँदा ७ जना घाइते, ५ जनाको अवस्था गम्भीर

काठमाडौं । कालिकोटमा आज बिहान जिप दुर्घटना हुँदा ७ जना घाइते भएका छन् ।

जिल्लाको खाँडाचक्र नगरपालिका-१० गोलुवामा कर्णाली प्रदेश ०२-००१ च ०२७६ नम्बरको फोर्स जिप दुर्घटनामा परेको हो ।

घाइतेमध्ये ५ जनाको अवस्था गम्भीर रहेको जिल्ला प्रहरी कार्यालय कालिकोटले जनाइको छ । घाइतेहरूको उपचार जिल्ला अस्पतालमा भईरहेको छ ।

उनीहरूको पहिचान भने खुल्न सकेको छैन । जिप सडकबाट करिब १०० मिटर तल खसेको प्रहरीले जनाएको छ ।