एम्बुलेन्स दुर्घटना हुँदा चालकको घटनास्थलमै मृत्यु
जाजरकोट। जाजरकोटमा एम्बुलेन्स दुर्घटना हुँदा चालकको मृत्यु भएको छ ।
जिल्लाको भेरी नगरपालिका-१ कोल्चौरनजिकै कल्ले खोलामा हिजो राति भएको दुर्घटनामा भेरी नगरपालिका–१, डौँरीकाँडाका चालक २७ वर्षीय सुनील चदराको घटनास्थलमै मृत्यु भएको हो ।
भेरी नगरपालिका–१, रावत गाउँदेखि मैदेमा बिरामी लिन जाँदै गर्दा एम्बुलेन्स दुर्घटनामा परेको प्रहरीले जनाएको छ।
उकालो जाने क्रममा भित्तामा ठोक्किएर एम्बुलेन्स करिब १०० मिटर तल खसेर दुर्घटना भएको हो । दुर्घटनाबारे थप अनुसन्धान भइरहेको प्रहरीले जनाएको छ।
प्रकाशित मिति: २६ श्रावण २०८२, सोमबार
