पोखरा पुगे कांग्रेस सभापति देउवा
काठमाडौं । नेपाली कांग्रेसका सभापति तथा पूर्व प्रधानमन्त्री शेरबहादुर देउवा पोखरा पुगेका छन् ।
पोखरा विमानस्थलमा सभापति देउवालाई कांग्रेसका कार्यकर्ताले स्वागत गरे ।
सभापति देउवा नेपाली कांग्रेस तनहुँको पूर्व क्षेत्रीय सभापति शहीद कल्याण खनालको २३औँ स्मृतिसभा तथा खनालको शालिक अनावरणका लागि तनहुँ गएका हुन् ।
तनहुँको भिमाद नगरपालिकास्थित भिमाद बजारमा सभापति देउवाले सम्बोधन गर्ने कार्यक्रम रहेको छ । कार्यक्रम कांग्रेस तनहुँको आयोजना र कांग्रेस भिमाद नगर समिति र शहीद कल्याण खनाल स्मृति प्रतिष्ठान तनहुँको व्यवस्थापनमा कार्यक्रम हुनेछ ।
प्रकाशित मिति: २७ श्रावण २०८२, मंगलबार
