पहिरोले केचना–कञ्चनजंघा सडक अवरुद्ध
इलाम । इलामको केचना-कञ्चनजङ्घा सडक पहिरोका कारण पूर्ण रूपमा अवरुद्ध भएको छ ।
इलाम नगरपालिका–११ सोयाकस्थित घोर्लेभिरमा गए राति खसेको पहिरोले केचना–कञ्चनजंघा सडक पूर्णरूपमा अवरुद्ध भएको हो ।
सडक अवरुद्ध भएपछि इलामको गोलाखर्क हुँदै झापा जाने सडक पनि रोकिएको छ । व्यवसायीहरू लामो दुरीको मेची राजमार्गबाट नै सवारीसाधन सञ्चालन गर्न बाध्य भएका छन् ।
नेपाल प्रहरी, सडक डिभिजन कार्यालय, निर्माण व्यवसायी, यातायात व्यवसायी र स्थानीयको सक्रियतामा पहिरो पन्छाउने काम भइरहेको सहायक प्रमुख जिल्ला अधिकारी भोलानाथ गुरागाईंले बताए ।
प्रकाशित मिति: २८ श्रावण २०८२, बुधबार
