तोकियो नागढुङ्गा सुरुङमार्गको उपभोग दस्तुर, कुनको कति ?
काठमाडौँ । नेपाल सरकारले नागढुङ्गा सुरुङमार्गको उपभोग दस्तुर तोकेको छ ।
यही साउन २६ गते बसेको मन्त्रिपरिषद् बैठकले नागढुङ्गा सुरुङमार्गको उपभोग दस्तुर निर्धारण गरेको हो।
सुरुङमार्ग हुँदै गुड्ने कार र भ्यानहरूको काठमाडौँ आउँदा ६५ रुपैयाँ र जाँदा ६० रुपैयाँ दस्तुर तोकिएको छ ।
त्यसैगरि मिनी बस र ट्रकले काठमाडौँ आउँदा ११५ र जाँदा ८० रुपैयाँ शुल्क तिर्नुपर्ने छ। बस तथा ट्रकको काठमाडौँ आउँदा २६० र जाँदा २०० रुपैयाँ दस्तुर तोकिएको छ।
भारी उपकरण काठमाडौँ आउँदा ६०० र जाँदा २५० शुल्क मन्त्रिपरिषद्ले निर्धारण गरेको सूचना तथा सञ्चार प्रविधिमन्त्री पृथ्वीसुब्बा गुरुङले जानकारी दिए ।
सुरुङमार्गबाट मोटरसाइकल भने चलाउन पाइँदैन ।
हाल सुरुङमार्गको भौतिक प्रगति ९३ प्रतिशत रहेको छ ।
नागढुङ्गा सुरुङमार्ग आगामी दसैँबाट सञ्चालनको तयारीमा रहेकोछ।
प्रकाशित मिति: २९ श्रावण २०८२, बिहिबार
